Полицијата удри со водени топови на демонстрантите против Г20 самитот во Хамбург


Вака се слави гол во 120-та минута!!! ↓↓↓


Германската полиција вечерва со водени топови и спрејови ги растера демонстрантите против самитот на Групата 20 во Хамбург, кои ја нападнаа со шишиња и камења.

Полицијата тврди дека во повеќе наврати барала од група тврдокорни анти-капиталистички демонстранти да ги извадат маските, а потоа одлучи групата да ја раздвои од останатите неколку илјади демонстранти.

Демонстрантите со црни качулки со шишиња и тули нападнаа полициско возило и го скршија стаклото.

Над 100.000 демонстранти се очекуваат во Хамбург по повод самитот на Г20, што се одржува во петок и сабота.

Паролата на демонстрациите е „Г20: Добредојдовте во пеколот“.

Хамбург дополнително обезбеди засилувања од целата земја, така што на располагање се 20.000 полицајци.