Американскиот астронаут Алан Бин, четвртиот човек кој стапна на Месечината, почина на 86-годишна возраст.
Бин починал во својот дом во Хјустон, опкружен со семејството и своите најблиски, изјави неговата сопруга.
„Тажни сме поради заминувањето на астронаутот Алан Бин. Четвртиот човек кој чекореше по Месечината помина повеќе од десет часа на површината во текот на мисијата Аполо 12”, соопшти НАСА.
We remember Apollo 12 astronaut Alan Bean, who walked on the Moon in 1969, commanded the second Skylab crew in 1973 and went on in retirement to paint the remarkable worlds and sights he had seen like no other artist.
Learn more about his life at https://t.co/h6HUiwbVFX. pic.twitter.com/xgGuCwBmEd
— NASA (@NASA) May 26, 2018
Помина 31 час и 31 минута на Месечината
Инаку, Бин е роден на 15-ти март 1932 година во Тексас. Тој заедно со Пит Конрад ја истражуваше површината на Месечината во ноември 1969 година, веднаш по првиот лет на Месечината, изведен од Аполо 11, во кој учествуваа Нил Армстронг и Едвин Олдрин.
„Тие ја истражуваа површината на Месечината, изведоа неколку експерименти и ја инсталираа првата станица со нуклеарен генератор со цел да создадат извор на енергија”, изјави неговиот биограф.
Бин во вселената бил вкупно 69 дена, 15 часа и 45 минути, од кои 31 час и 31 минута на Месечината, објави неговото семејство.
