Тоа што се најавуваше изминатите денови, денес доби официјална потврда – Лука Јовиќ е нов играч на Реал Мадрид.
Српскиот голгетер имаше фантастична сезона во дресот на Ајнтрахт Франкфурт и го привлече вниманието на многу европски гиганти, но Реал Мадрид успеа да ја победи конкуренцијата.
Реал и Ајнтрахт денес и официјално го потврдија трансферот, но не ги открија финансиските детали. Шпанските медиуми пренесуваат дека „кралевите“ за потписот на Јовиќ ќе платат помеѓу 60 и 70 милиони евра.
Јовиќ ќе потпише договор со „кралскиот“ клуб до 2025 година, според кој ќе заработува 4 милиони евра по сезона, плус бонуси.
https://twitter.com/footballespana_/status/1135873232773570561
https://twitter.com/realmadrid/status/1135874789627899904
