Обамејанг призна: Сакам да се вратам во Милан, но…


Вака се слави гол во 120-та минута!!! ↓↓↓


Не е тајна дека Пјер Емерик Обамејанг е трансфер цел на Милан и „росонерите“ цело лето се обидуваат да го донесат на „Сан Сиро“.

Медиумите тврдеа дека напаѓачот веќе има договор со миланскиот гигант, но проблем е што Милан не може да најде заеднички јазик со Борусија Дортмунд.

Обамејанг вчера јавно призна дека би сакал да се врати во Милан, клубот каде што поникна, но тоа не зависи од него.

„Би сакал да се вратам во Милан, но ако тие спијат, што би можел јас да направам“, отворено призна Обамејанг.

Проблем е што Борусија Дортмунд не сака да го пушти напаѓачот за сума помала од 80 милиони евра, додека „росонерите“ не се спремни да понудат повеќе од 65 милиони евра.

Останува да видиме како ќе се развива ситуацијата во следните денови, а како алтернатива за Милан е напаѓачот на Фиорентина, Никола Калиниќ.