Нова акција во операцијата „Армагедон“: Во Србија уапсени поголема група педофили – меѓу жртвите имало деца и од 3-4 години

Српските полициски служби уапсиле „поголема група“ лица осомничени за педофилија, а меѓу жртвите има и тригодишно дете, соопшти Министерството за внатрешни работи (МВП).

Акцијата Аргамедон била спроведена на целата територија на Србија, а МВР наведува дека станува збор за „група сексуални предатори кои злоупотребиле интернет и вршеле криминални дејствија на штета на девојчиња и момчиња“, пренесе РТС.

Меѓу уапсените има и повратници кои претходно биле уапсени за сексуална експлоатација на малолетници преку Интернет, соопшти МУП.

Не беше прецизирано колку лица се уапсени.

Акцијата ја спроведоа припадници на Управата за технологија и Службата за борба против високотехнолошки криминал на МУП, во соработка со Обвинителството за високотехнолошки криминал.

Акцијата Армагедон започна во 2010 година на територијата на цела Србија, а има за цел сузбивање на експлоатација на малолетници за порнографски цели преку Интернет.

Армагедон е една од најдолгите полициски операции во земјата. Во неа досега се уапсени стотици луѓе.

Бројот на регистрирани педофили во Србија е 675, покажуваат најновите податоци на Управата за извршување на кривични санкции од август 2023 година.

Тој број е зголемен од 544 регистрирани педофили во јули 2022 година.