Невообичаен крај на кариерата: Пандев не е во составот на Парма за неговиот последен професионален натпревар

Најдобриот македонски фудбалер Горан Пандев за жал ќе има еден невообичаен крај на фудбалската кариера.

Во минатото коло Пандев беше дел од последниот натпревар на „Енио Тардини“, а тој натпревар се покажа и како последен во неговата кариера. Се очекуваше во последното коло против Кротоне да биде во составот и тоа да биде последниот натпревар во кариерата, но тоа не се случи.

Тренерот Џузепе Јакини поради повреди имаше проблем со ростерот, а Пандев беше еден од играчите кои мораа да бидат изоставени.

Последниот натпревар на Пандев во кариерата ќе биде вторто полувремето во ремито на Парма против Алесандрија. Ќе потсетиме Пандев уште претходно по Европско првенство се пензионираше од репрезентативниот дрес, а сезонава ако нема пресврт е негова последна во клупскиот фудбал.