Најдобрите протеински намирници кои треба да ги јадете ако тренирате

Независно со која цел и од која причина вежбаме, исхраната и тренингот мора да бидат во целост усогласени за ефектите од вежбањето да бидат максимални и поволни за нашето здравје.

Со тренингот се активираат и стимулираат разни системи во телото, а храната мора да го надополни потрошеното и да обезбеди дополнителни количества на нутриенти и енергија за адаптација на тренажните стимуланси.

Ако се занимавате со некоја физичка активност која поинтензивно ги активира вашите мускули, мора да се погрижите истите да си го добијат и својот главен и единствен нутриент за изградба и адаптација – протеинот. Доколку, пак, целно тренирате за зајакнување и масивно зголемување на мускулите и силата, секој оброк во денот мора да ви содржи некоја протеинска намирница. Исто така, диетите со голема застапеност на протеини покажаа дека се подобар избор за слабеење од оние со мал внес на протеини на дневна база.

Токм затоа постојат многу додатоци за исхраната на база на протеини, како протеински чоколади и шејкови, а кои се консумираат веднаш после завршувањето со тренинг, за тие кои вежбаат брзо и едноставно да го внесат потребното количество на протеини после вежбањето. Меѓутоа, после тоа време е за прв конкретен оброк кој задолжително би требало да содржи квалитетна протеинска намирница.

Квалитетот на протеинските намирници зависи од неговата дигестивност, профилот на аминокиселините кои ги содржи, брзината на апсорпцијата и некои останати фактори. Според овие параметри, еве кои се најдобри намирници кои ќе и обезбедат квалитетно „протеинизирање“ после тренингот.

Протеини од животинско потекло – пожелно е да се бираат „чисти“ делови од месото со помалку масти:

– јајца

– пилешко месо

– говедско месо

– риба

Протеински намирници од растително потекло, кои се нешто посиромашни со протеинскиот состав во споредба со оние од животинско потекло, но се сосема доволни за потребните количини кои треба да ги внесете после тренинг:

– грав

– слануток (наут)

Што се однесува на сирењата, се препорачува свежо сирење кое нешто подолго се вари во системот за варење, па е добро за доручек или за последен оброк пред спиење.