Александар Вучковски - сомелиер: Како македонските вина го освојуваат светот? ↓↓↓
Англиските полицајци застрелаа и усмртија редок бел елен откако жителите на градот Бутл го видоа животното како талка по улиците и го пријавија тоа.
Кралското друштво за превенција од суровост кон животните (RSPCA) соопшти дека ја советувало полицијата да „го остави еленот, бидејќи на крајот тој самиот ќе се врати дома“.
Но, локалната полиција вели дека полицајците одлучиле да го еутаназираат бидејќи биле загрижени за безбедноста на возачите и пешаците.
„Не можевме да дозволиме елен слободно да лута по улиците“
Откако полицијата во неделата ги добила првите пријави за еленот на улица, тие испратиле вооружени полицајци на местото на настанот кои успеале да го опколат. Повикан бил и ветеринар за да ја следи состојбата на животното.
Is it just me, or does this seem deeply symbolic for the state of the nation? Rare white deer shot dead on Bootle street by police https://t.co/jjYRQYUA85
— Paul Vale (@paulvale126) September 28, 2021
Полицијата соопшти дека контактирала со неколку организации и не можела да најде никој „кој ќе им помогне да го вратат еленот во дивината“.
„Не можевме да дозволиме елен слободно да шета по улиците, бидејќи тоа може да ги загрози возачите и граѓаните од областа, особено затоа што се стемни. Затоа во раните вечерни часови донесовме одлука за еутаназија“, изјави портпаролот на полицијата, пренесе Би-Би-Си.
