Кога ќе се спомене гламурозниот моден настан Мет Гала, првата асоцијација која паѓа на памет се екстраваганцијата, откачениот моден избор и дизајн во кој се претставуваат славните личности од светот на шоубизнисот кои добиле покана за присуство на оваа елитна луксузна вечера.
И оваа година Мет Гала ги собра во њујоршкиот Метрополитен некои од најпознатите имиња и оставија моден печат на црвениот тепих со своите модни избори и ексцентричност.
Според годинешната тема на настанот и изложбата, модните избори на славните гости треба да бидат израз на ексцентричност, иронија, хумор, пародија и претерување, а славните успешно си ја завршиле задачата.
Кети Пери се преправи во лустер, Лејди Гага промени 4 аутфити и парадираше во долна облека на скалите, Карди Би облече огромен фустан кој се влече позади неа како душек, Џенер сестрите се фокусираа на пердуви, а Џеј Ло на светки и сребрена перика.
