Уствари викендов е затишје пред бура! ↓↓↓
Последниот машки примерок од северниот бел носорог на светот, наречен Судан, почина после 45 години живот, беше објавено на социјалните мрежи од страна на резерватот во кој живееше.
Во последно време Судан страдаше од голем број здравствени проблеми предизвикани од староста, а го лекуваа од многу инфекции. Состојбата му се влоши во последните неколку дена, па ветеринарниот тим донесе одлука да му биде извршена евтаназија.
It is with great sadness that Ol Pejeta Conservancy and the Dvůr Králové Zoo announce that Sudan, the world’s last male northern white rhino, age 45, died at Ol Pejeta Conservancy in Kenya on March 19th, 2018 (yesterday). #SudanForever #TheLoneBachelorGone #Only2Left pic.twitter.com/1ncvmjZTy1
— Ol Pejeta (@OlPejeta) March 20, 2018
Судан живееше во Кенија, во резерватот Ол Пејета, каде беше под 24-часовен надзор, чуван од вооружени чувари поради опасност од ловокрадци, а беше опремен и со радиопредавател за да можат лесно да го најдат доколку им се изгуби од вид на чуварите.
„Беше нежен џин. Карактерот му беше прекрасен, но многу луѓе се плашеа од него поради големината. Но, немаше ништо злобно во него“, изјави претставникот на резерватот.
James Mwenda is one of the 6 dedicated caregivers who take care of Sudan on a daily basis. Most of the caregivers have been with him since he arrived on Ol Pejeta in 2009 and to them; he is like family. pic.twitter.com/FjghASsa94
— Ol Pejeta (@OlPejeta) March 16, 2018
На светот останаа само уште две женки од овој животински вид, но за среќа, научниците успеаја да извлечат генетски материјал од Судан со надеж дека со негова помош ќе можат да оплодат барем една од женките за да не згасне засекогаш постоењето на северниот бел носорог.
Инаку, во 1960 година на светот имаше околу 2.000 живи претставници од овој вид, а веќе до 1984 година тој број се намали на 15.
„Можеме само да се надеваме дека светот ќе научи нешто од тажната загуба на Судан и ќе преземе нешто за да се стави крај на трговијата со рогови од овие животни. Иако цената на роговите паѓа во Кина и Виетнам, ловокрадците уште се закана аз сите видови на носорози“, објасни Питер Најт, управител на WildAida.
Во 2011 година, исто така поради беснеењето на ловократството, загина последниот западноафрикански црн носорог.
