Меси: Ривалството со Роналдо е специјално и ќе се памети засекогаш


Вака се слави гол во 120-та минута!!! ↓↓↓


Цели десет години двајцата најдобри фудбалери во светот, Лионел Меси и Кристиано Роналдо беа големи ривали како главни ѕвезди на Барселона и Реал Мадрид.

Двајцаја ја одбележаа цела деценија, а со оглед на фактот дека играа за два големи ривали во иста лига, нивното ривалство доби на интензитет.

Меси отворено зборуваше за неговиот „специјален“ дуел со Кристиано Роналдо, кој ќе остане запаматен секогаш откако неговиот ривал си замина во Серија А.

„Тоа беше специјален дуел и ќе остане засекогаш, бидејќи траеше толку долго, а не е лесно да се заддржи високо ниво толку време. Покрај тоа, тимовите во кои игравме исто така бараа многу, Реал Мадрид и Барса, двата најголеми клубови на светот. Тоа што бевме на еднакво ниво толку години, мислам дека тоа ќе остане засекогаш. Спортскиот дуел беше исто толку добар на лично ниво, и мислам дека љубителите на фудбалот добро се забавуваа“, вели Меси.

„Секако, кога Кристиано беше во Реал Мадрид тие мечеви секогаш беа посебни. Против Реал секогаш е интересно да се игра, но со Кристиано беше поинаку. Но, тоа е етапа која ја поминавме во нашите кариери и сега гледаме кон иднината“, додаде Аргентинецот.