Шалот од вештачко крзно е детаљот што ги освежува комбинациите оваа сезона

Не мора да ја менувате целата облека за комбинацијата да изгледа поинаку — понекогаш е доволен еден детаљ. И оваа сезона таа улога ја има шалот од вештачко крзно, кој од модните писти стигна до уличната мода и се издвои меѓу најинтересните додатоци за студените денови. Неговата предност е што без голем трошок може да му даде свежина на палтото што го носите со години или на омилената црна јакна по која посегнувате секое утро.

Од Берлин и Париз до Њујорк, љубителките на модата го носат овој мек додаток на најразлични начини. Го обвиткуваат околу вратот како обичен шал, лежерно го префрлаат преку рамената, го носат во рака или го врзуваат за чантата. Застапени се нијанси од чоколаднокафеава и црна до боја на слонова коска, како и различни текстури што на облеката ѝ даваат луксузен изглед.

@cestclau

@cestclau

Од модните писти до секојдневните комбинации

Вештачкото крзно имаше забележително место на ревиите за есен/зима 2025, меѓу другото и во колекциите на „Тотем“, „Симон Роша“, „Прада“ и „Марин Сер“. Дизајнерите го спојуваа со свилени фустани, палта инспирирани од машката гардероба и облека со чисти линии, покажувајќи дека овој материјал не е наменет само за гламурозни вечерни пригоди.

Сега трендот се приспособува на секојдневното облекување. Шалот од вештачко крзно може да се комбинира со долго волнено палто, но и со едноставна јакна или џемпер. Неговата текстура создава контраст со класичните зимски парчиња, а волуменот околу вратот и рамената ја прави силуетата поинтересна.

Како да го комбинирате оваа зима?

За елегантен дневен изглед, спојте шал во боја на слонова коска со сиво палто или палто во боја на камила, панталони со рамен крој и кожени чизми. Така ќе добиете внимателно осмислена комбинација што не изгледа премногу формално. Ако претпочитате потемни тонови, црн или чоколаднокафеав шал добро се вклопува со црна јакна, темни фармерки и едноставни чизми. За повпечатлив изглед, префрлете го преку рамената и оставете го слободно да паѓа по палтото. Можете да го носите и со едноставен фустан и високи чизми, особено кога сакате дневната комбинација да ја приспособите за вечерно излегување без целосно пресоблекување.

Друга можност е да го прикачите на поголема чанта или лежерно да го префрлите преку неа. На тој начин привлекува внимание и кога не го носите околу вратот. Ова особено добро се вклопува со минималистички комбинации и чанти со едноставна форма.

@rachelikoren

@rachelikoren

@madamesbook_

@madamesbook_

@camilagizz

@camilagizz

Извор: Lepota i Zdravlje