Македонија на исток се граничи со Албанија, на запад со Бугарија – ова го учат кај нас децата во петто одделение

„Македонија на запад граничи со Република Бугарија, а на исток со Република Албанија“.

Ваква глупост е напишана во новиот учебник по историја и општество за петто одделение, во лекцијата од којашто учениците треба да ги научат соседните земји на Македонија, пренесува ПлусИнфо.

Граѓани, родители на деца од основно, на социјалните мрежи бурно реагираат на „грешките“, односно, како што самите велат, на неписменоста на авторите на новиот учебник.

Сличен пример кој беше објавен на порталите беше учебникот кој на децата им дава основни информации за населението и за континетнтите, а таму е наведено дека највисокиот врв на светот – Монт Еверест на Хималаите, е висок 29.305 метри.

До сега се учеше дека врвот што го нарекуваат и „покривот на светот“ е висок 8.849 метри.

Пропаднало и Мртво Море, неверојатни 1.400 метри под нивото на земјата, открива нашиов „учебник“.