Софија Буш за односите со Хилари Бартон и Бетани Џој Ленц: Тука сме една за друга и кога е тешко

Софија Буш зборуваше за тоа какви се денес нејзините односи со Хилари Бартон и Бетани Џој Ленц, со кои се прославија во серијата „One Tree Hill“.

Буш и Ленц беа дел од актерската екипа во сите девет сезони, додека Бартон ја напушти тинејџерската драма по шестата сезона. Серијата првично се емитуваше од 2003 до 2012 година.

„Сега веќе се познаваме подолго отколку што живеевме пред да се запознаеме. Тоа се некои од најдолгите врски во мојот живот. Една работа што навистина ја ценам е тоа што, без оглед низ што минува некоја од нас, имаме трпение една за друга“, изјави Буш за „Пипл“.

„Мислам дека тоа е навистина важно — без разлика дали има несогласувања или сè оди лесно, да бидете тука една за друга, и кога е лесно и кога е тешко. Тоа е нешто што навистина го ценам кај сите нас“, продолжи таа, појаснувајќи дека мисли на сите жени од светот на „One Tree Hill“.

„Тоа што се имаме една со друга е вистински подарок. Но, не е подарок како во епизода од телевизиска серија, туку подарок од вистинскиот живот, кој со себе носи и вистински животни предизвици. Чувствувам многу љубов и знам дека сите ние ја чувствуваме веќе долго време“, рече Буш.

Извор: Just Jared