Спорт

Ливерпул го купува „иранскиот Меси“

Ливерпул е на првото место во Премиер лигата, но Јирген Клоп најави нови засилувања во јануари, особено во нападот.

Клоп во јануари ќе остане без Мане кој ќе замине на Африканскиот куп на нации, па веќе почна потрагата по крилен напаѓач кој ќе може да го замени Африканецот.

Англиските медиуми пренесуваат дека прва мета на „црвените“ ќе биде Сардар Азмун. Овој 21-годишен ирански репрезентативец е член на екипата на Ростов кој пристигна ова лето во контроверзен трансфер.

Имено, „иранскиот Меси“, како што го нарекуваат овој фудбалер, уште пред 3 години пристигна во Рубин Казан, а тие во 2015 година му го позајмија на Ростов. Но, по истекувањето на позајмицата, Ростов го задржа играчот и плати 2,3 милиони евра на Рубин на име на клаузула која во Казан ја оспоруваа, за која тврдеа дека никогаш не ја вметнале во договорот со Ростов. Рускиот фудбалски сојуз пресуди во корист на Ростов и Азмун остана во овој клуб, а веќе оваа зима би можел да се пресели на англиските терени.

Моменталната вредност на фудбалерот изнесува околу 10 милиони евра, сума која Ливерпул нема да има проблем да ја плати.

Advertisements
Click to comment

You must be logged in to post a comment Login

Leave a Reply

To Top