Ја продаде својата последна куќа – Илон Маск објави дека официјално живее како кираџија

Вториот најбогат човек на планетата, Илон Маск, го исполни ветувањето и ја продаде својата последна куќа и официјално повеќе нема дом.

Извршниот директор на Tesla и SpaceX, Илон Маск, го продаде својот имот во Силиконската долина во четвртокот за 30 милиони долари, што е за 7,5 милиони долари помалку од првично бараната цена од 37,5 милиони долари.

Илон Маск, кој тежи повеќе од 151 милијарда долари, претходно изјавил дека имотот од 47 хектари јужно од Сан Франциско е неговиот последен преостанат дом.

Маск, кој беше прескокнат од шефот на Амазон Џеф Безос на врвот на листата на Форбс на најбогати луѓе во светот, моментално живее под кирија од 50.000 долари во Бока Чика, Тексас, во близина на неговата фабрика за ракети.

„Мојот примарен дом е буквално куќа од 50.000 долари во Бока Чика која ја изнајмувам од SpaceX. На крајот на краиштата, тоа е некако одлично“, напишал Маск на Твитер.

Новиот сопственик на вилата Хилсборо во Калифорнија на 891 Crystal Springs Road не е објавен во јавноста.

Огромниот имот има седум спални соби, седум бањи, музичка соба, голема сала за бал и коктел соба со полици за библиотека што може да се вовлече.