„Хадака Мацури“ – бизарниот јапонски фестивал на голотијата (снимка)


Вака се слави гол во 120-та минута!!! ↓↓↓


Секоја година на јапонскиот остров Хоншу се собираат илјадници мажи за да го одбележат годинешното издание на тамошниот традиционален фестивал на голотијата.

Вистинско име на фестивалот е „Хадака Мацури“, а овој фестивал се одржува во храмот Саидаџи Канонин, во близина на градот Окајама.

Фестивалот ја слави „церемонијата на доаѓањето на пролетта, просперитетот и плодноста“.

Околу 10,000 машки учесници носат многу малку облека и трчаат околу храмот прочистувајќи се во студена вода.

Потоа, сите брзаат кон главната зграда на храмот и настанува вистинска тепачка кога свештеникот започнува со фрлање стотици гранчиња, меѓу кои и две „среќни стапчиња“.

Учесниците на фестивалот се натпреваруваат едни со други да ги фатат стапчињата, затоа што оној што ќе ги фати, според легендата, го очекува среќа цела година.

Целиот настан трае само околу триесет минути, а учесниците често завршуваат со ситни исеченици и модринки.

Секоја година, овој фестивал привлекува многу посетители од Јапонија, како и од други земји.