ЕУ од 2020 го укинува променливото зимско и летно сметање на времето

Од 2020 година, со одлука на Европската комисија, се укинува зимското и летното сметање на времето, иако Европската Комисија предложи последното поместување да се случи годинава на 31 март.

„Оваа регулативна одредба би требало да почне да се практикува од 1 април, 2020 година, што значи дека одредбите би стапиле на сила во сите земји членки на 31 март 2020“, велат од Европската комисија.

Во последната анкета дури 84% од жителите на земјите членки на Европската Унија се против поместувањето за еден час понапред или поназад на часовниците два пати годишно.