Кој ќе тепа на Ел Класико!? ↓↓↓
Повредата на Емре Чан е посериозна од колку што се очекуваше и Германецот сигурно ќе биде надвор од терените до крајот на сезоната, а голема е веројатноста да го пропушти и Мундијалот, пренесуваат англиските медиуми.
Играчот за врска на Ливерпул има проблеми со грбот, а повредата се покажа посериозна од првичните прогнози.
Ова во принцип значи дека Германецот веќе го одиграл последниот натпревар за Ливерпул бидејќи на крајот на сезоната ќе замине од „Енфилд“ како слободен агент. Јувентус е фаворот за неговиот потпис, но многу европски гиганти покажуваат интерес за него.
Emre Can may have played his last game for Liverpool https://t.co/aCD3IflGOD pic.twitter.com/o7ImZSE5D0
— Mirror Football (@MirrorFootball) April 6, 2018
Јирген Клоп се надеваше дека Чан ќе биде спремен за реваншот со Сити на „Етихад“ и ќе биде замена за Хендерсон, но Германецот ќе биде во аут до крајот на сезоната.
Сериозно е загрижен и Јоаким Лев бидејќи може да загуби важен играч во ротацијата за Мундијалот во Русија. Големи се шансите Емре Чан да го пропушти Светското првенство.
