Кој ќе тепа на Ел Класико!? ↓↓↓
Кошаркарите на Ефес обезбедија место во плеј-офот на Евролигата. Во големото истанбулско дерби, во домашна сала, ги совладаа Фенербахче со 80:77, во натпреварот од 28-то коло од елитното европско кошаркарско натпреварување.
За Ефес ова беше 16-та победа во Евролигата, додека екипата на Жељко Обрадовиќ го запиша 11-от пораз. Остана да се види кому ќе му припадне осмиот билет за четвртфиналето, а за истиот се борат Ѕвезда и Дарушафака.
Синоќешниот дуел меѓу Ефес и Фенер го одбележа и враќањето на терен на Богдан Богдановиќ после повредата. Притоа, не ни беше најавен за овој натпревар.
Домашната екипа водеше во текот на целиот натпревар, а во еден момент беше дури 17 разлика за Ефес. Сепак, со влегувањето на Богдановиќ на паркетот во второто полувреме, Канаринците опасно се приближија во резултатот.
Заиграа цврсто во одбрана, дојдоа до 78:76, а потоа, 36 секунди пред крајот, имаа напад за израмнување или водство. Сепак, Богдановиќ не беше прецизен во обидот за три поени, а Калиниќ направи фаул, додека Тајлер Ханикат ги погоди двата „пенали“. Потоа и Диксон промаши за три поени и продолжение.
Dunston in poster mode!#7DAYSMagicMoment #EFSFNB pic.twitter.com/IdoAKJ8CjE
— EuroLeague (@EuroLeague) March 23, 2017
