Драма на легендата на Јунајтед – мора да оди на трансплантација на бубрег!

Легендарниот напаѓач на Манчестер Јунајтед, Енди Кол поради болест ќе мора да оди на нов оперативен зафат, односно трансплантација на бубрег.

На Кол во 2014 година му беше откриен вирус кој го напаѓа бубрегот поради што подолго време беше на лекување, а сега мора повторно.

Кол моментално е амбасадор на Манчестер Јунајтед, а од клубот соопштија дека ќе мора да направи кратка пауза од својата работа.

„Во периодот на лечењето Енди Кол ќе направи кратка пауза како амбасадор на клубот. Исто така тој и неговото семејство се заблагодаруваат на сите навивачи за поддршката и замолија да се почитува нивната приватност во наредниот период“, се наведува во соопштението од клубот.

Кол во дресот на Јунајтед одигра 275 натпревари и постигна 121 гол во периодот од 1995 до 2001 гоидна. Во кариерата играше уште за Арсенал, Фулам, Њукасл, Манчестер Сити, Портсмут, Бирминем, Сандерленд, Барнли и Нотингем Форест.