Уствари викендов е затишје пред бура! ↓↓↓
Шпанските медиуми пренесуваат дека Реал Мадрид и Барселона следното лето ќе водат голема битка за бекот на Реал Сосиедад, Алваро Одриозола.
Барселона ова лето на таа позиција го донесе Нелсон Семедо од Бенфика, но Каталонците не се во целост задоволни од тоа што го прикажува и сметаат дека Одриозола ќе биде транјно решение за десната бековска позаиција.
Одриозола игра фантастична сезона во Реал Сосиедад, а дополнителна предност е што е поливалентен играч, па подеднакво добро може да игра и на крилната позиција.
Меѓутоа, Барселона нема да може лесно да дојде до неговиот потпис бидејќи за него силен интерес покажува и Реал Мадрид.
Поради тоа шпанските медиуми најавуваат дека Одриозола ќе биде жешка трансфер тема следното лето и дека ќе се игра „Ел Класико“ за неговиот потпис.
Одриозола од неодамна е шпански репрезентативец, а Сосиедад сигурно за неговата слобода ќе бара околу 40 милиони евра.
