Аргентина подобра од Холандија на пенали за пласман во мундијалско полуфинале


Викенд најава: Интер - Милан, Тотенхем - Ман.Сити и Феенорд - ПСВ ↓↓↓



Драматично беше и во второто четвртфинале кое синоќа го играа Холандија и Аргентина. Како и на дуелот Бразил – Хрватска и сега патникот во полуфиналето се решаваше по изведувањето на пенали, а таму се радуваше Аргентина.

Одлично започна Аргентина и создаваше прилики од самиот почеток, а таквата игра им се исплатеше во 35. минута. Меси испрати магична асистенција за Молина кој одличната позиција ја искористи и ги доведе „Гаучосите“ во водство.

Како што одминуваше времето Холандија се ослободуваше од притисокот, меѓутоа Аргентина стигна и до втор гол. Меси од пенал во 73. минута го постигна својот 10-ти гол на Мундијалите.

Преку Вејхорст на десетина минути до крајот Холандија дојде до 1:2. Од тој момент Холандија силно притискаше и се играше пред голот на Аргентинците, а голот за изедначување дојде во 100-тата минута буквално во последните секунди 10-те минути продолженија кои ги даде судијата Лахоз.

Кога сите очекувааа шут од прекршокот кој беше во одлична позција, Копмајнерс го проигра Вејхорст кој беше зад живиот ѕид и успеа да се снајде да ја смести топката во мрежата за 2:2 и продолженија.

Беше поконкретна Аргентина во продолженијата двапати по 15 минути, во финишот ја погодија и стативата. Сепак, мрежата не се тресеше по третпат и се изведуваа пенали.

Ван Дајк прв шутираше, а Емилијано Мартинез го одбрани неговиот удар. Меси прв застана од Аргентинците и беше сигурен. Мартинез блесна и во обидот на Бргјуз, Паредес одлично шутираше за 2:0. Копмајнерс го постигна првиот гол од пенал серијата за Холандија.

Монтиел го испрати Долберт на спротивната страна за 3:1 на Аргентина. Вејхорст погоди и од белата точка.

Надежта кај Холанѓаните се врати со промашениот пенал на Фернандез. Лук Де Јонг изедначи на 3:3, за втората меч топка кај Аргентина да ја има Лаутаро Мартинез кој за разлика од Фернандез не промаши и обезбеди полуфинале на Аргентина.