Маскирани крадци наводно упаднале на имотот на Крис Хемсворт и Елса Патаки во Австралија и украле три возила. Според „7News“, кражбата се случила во раните утрински часови во средата, на 11 ноември, во Брокен Хед, јужно од Бајрон Беј, во сојузната држава Нов Јужен Велс.
„Полицајците излегоа на местото и добија пријава дека четири непознати лица влегле на имотот и претходно истиот ден украле три возила. Нема пријавени повредени“, соопштила полицијата, пренесува „7News“.
Мажите наводно ја прескокнале предната ограда, стигнале до гаражата и заминале со три возила, кои биле паркирани со клучевите внатре.
Според извештајот, биле украдени возила од марките BYD и Ram, како и пикап Ford Raptor. Полицијата потврдила за „7News“ дека сите три возила подоцна биле пронајдени на локации оддалечени неколку часа возење од домот на двојката. Истрагата продолжува.
„Us Weekly“ побарал коментар од полицијата на Нов Јужен Велс и од претставникот на Хемсворт.
Хемсворт (43) и Патаки, кои се венчаа во 2010 година, во 2015 година го напуштија Холивуд и се преселија во неговата родна Австралија за да ги одгледуваат децата во помирна средина. Двојката има три деца: ќерката Индија (14) и близнаците Саша и Тристан (12).
„Имаше нешта што ги сакав во животот во Лос Анџелес, но јас и сопругата чувствувавме дека за семејството е најдобро да се вратиме во Австралија“, изјави Хемсворт за „Traveller“ на почетокот на 2015 година. „Луѓето во Бајрон се однесуваат со нас како со свои сограѓани. Поопуштено е отколку во Лос Анџелес, помалку е напнато и средината е попогодна за растење на нашите три деца.“
Во февруарска епизода од поткастот „SmartLess“, актерот повторно зборуваше за преселбата и ја опиша како „најдобрата одлука“.
„Знаете кога ќе се вратите од работа и сакате да заминете на одмор? За мене, враќањето дома е како одмор. Имаме голема фарма, коњи и мотоцикли, а одиме и на сурфање“, рече поранешната ѕвезда на серијата „Home and Away“.
Извор: US Weekly
Учество во игри на среќа е дозволено за лица со 18+ години. Играј одговорно!