Џен Афлек не е убедена во јавните уверувања на сопругот Зак Афлек дека и по разделбата ќе остане нејзин „најголем обожавател“. Откако Зак (30) во четвртокот, на 5 ноември, на Тикток проговори за распадот на нивниот брак, Џен (27) му возврати со објава на својот профил.
„Тој никогаш не ми бил најголема поддршка“, напиша таа во описот на објавата.
Со тоа директно се осврна на неговото претходно видео, во кое тој тврдеше дека ја „молел“ да му дадат уште една шанса на бракот и порача дека, и покрај разделбата, „ќе продолжи да ја поддржува и да биде нејзин најголем обожавател“.
„Тешко е, затоа што навистина ја сакам Џен и сè уште ја сакам. Кога ја запознав, таа имаше некој сјај каков што не сум видел кај никој друг и навистина има многу добро срце“, рече тој во видеото.
Зак призна и дека не бил безгрешен во текот на нивната врска. „Прв ќе кажам дека направив многу грешки во нашиот брак и дека едноставно дојде време секој да тргне по својот пат“, изјави тој.
Тој тврдеше дека во последен обид да го спаси бракот ѝ ветил на Џен дека ќе „работи на проблемите, ќе ги поправи работите“ и ќе „стане онаков каков што ѝ е потребен“. Сепак, како што кажа, на крајот не успеале да го одржат бракот.
Зак зборуваше и за стравот од последиците што разводот би можел да ги остави врз нивните деца. Според него, и двајцата се решени децата да им бидат на прво место, без оглед на меѓусебните проблеми. Тие ги имаат ќерките Нора, која има пет години, и Пени, која има 16 месеци, како и тригодишниот син Лука. Џен е бремена со нивното четврто дете.
„Се чувствувам како да ги изневерив децата и се плашам дека ќе им нанесам штета. Само се надевам дека и понатаму ќе можеме да им обезбедиме нормално детство“, рече тој.
По седум години брак, Џен во вторникот, на 3 ноември, поднесе барање за развод од Зак. „Ју-ес викли“ во средата, на 4 ноември, потврди дека таа доставила и предлог-план за родителска грижа, чии детали не се јавно објавени.
Извор: US Weekly
Учество во игри на среќа е дозволено за лица со 18+ години. Играј одговорно!