Американската академија за филмски уметности и науки ќе бара од учесниците на 94-тото доделување на Оскарите да покажат докази за вакцинација против коронавирус и најмалку два негативни ПЦР теста, објави Њујорк Тајмс.
Изведувачите и презентерите ќе мора да поминат ригорозни тестирања, но од нив нема да биде барано да покажат доказ за вакцинација.
Доделувањето на наградата ќе се одржи на 27 март, а номинираните и нивната придружба ќе бидат сместени во делот за оркестар од Долби театарот, и нема да мора да носат маски.
Оние кои ќе седнат на мезанин најверојатно ќе мора да носат маски бидејќи ќе бидат поставени многу блиску едни до други.
Домаќини на 94-тото доделување на Оскарите годинава ќе бидат три актерки – Реџина Хал, Ејми Шумер и Ванда Сајкс (57), објавија странските медиуми.
Учество во игри на среќа е дозволено за лица со 18+ години. Играј одговорно!