Светскиот тениски рекет број 1, Новак Ѓоковиќ, со своето семејство е во домашна изолација во Марабеља, Шпанија, како заштитна мерка против заразата од коронавирусот.
Опасниот вирус ја прекина сезоната во белиот спорт, но популарниот Ноле и кога нема натпревари и тренинзи знае како повторно да „влезе во натпреварувачки ритам“.
Ѓоковиќ и во домашна изолација пронајде начин за игра и забава со тениското топче. Но, наместо рекет во раце зема тава за пржење.
Competition never stops
#tennisathome
Такмичење није престало
— Novak Djokovic (@DjokerNole) March 31, 2020
„Натпреварувањето никогаш не престанува“, напиша Ноле под видеото на кое тој игра партија тенис со импровизиран рекет во рацете.
