Уловен бел кит со руска опрема монтирана на него

Норвешките рибари пред неколку дена заловија примеро од кит белуга кој доплива во водите од северниот дел на Норвешка. На него тие забележаа монтирано некој вид на појас за кој се сомневаат дека претставува опрема од руската војска.

Професорот на норвешкиот арктички универзитет во Тромзо, Аудун Рикардсен, е убеден дека појасот на китот е ставен со човечки раце, но не му е познато дека научниците во Норвешка и во Русија користат таква опрема.

Затоа, вели тој, контактирал со руски колеги, кои му рекле дека, најверојатно, појасот го поставила руската морнарица во Мурманск.

На појасот пишувало дека опремата е од Санкт Петербург, и дека имало држач за „го про“ камера.