Трагичната смрт на аргентинскиот напаѓач Емилијано Сала го трогна целиот фудбалски свет, но вчера на фудбалските терени во Англија беше видена една грозна сцена.
За време на натпреварот помеѓу Саутемптон и Кардиф Сити вчера двајца приврзаници на „светците“ имитираа гестови на авион кој се урна и така ја исмеваа смртта на Сала, кој е најскапо засилување во историјата на Кардиф.
Видеото веднаш стана вирално на интернет, а полицијата не задоцни и ги приведе двајцата мажи.
„Нема место за вакво однесување во фудбалот и ова нема да се толерира на „Сент Мери”. Клубот ќе им забрани влез на овие навивачи“, стои во соопштението од клубот.
https://twitter.com/ccfcben/status/1094283984383733760
Пред натпреварот, фудбалерите на двата тима му оддадоа почит на Сала со едноминутен молк, а Кардиф забележа победа од 2:1.
„Сакавме да победиме за Емилијано и јас сум горд што момците тоа го направија“, рече менаџерот Нил Варнок по мечот.
Учество во игри на среќа е дозволено за лица со 18+ години. Играј одговорно!