На врвот од топ 10 листата со најплатени пејачки во 2018 година според престижниот Forbes се најде Кети Пери, со што е прекината доминацијата со оваа листа која ја имаше Бијонсе три години со ред.
Пери годинава заработила 83 милиони долари, од кои 20 милиони за своето учество во жирито на емисијата „Американски идол“, како и нешто над милион долари за секој настап.
View this post on Instagram
На второто место на листата на Forbes, се најде Тејлор Свифт со 80 милиони долари заработка, најмногу поради албумот „Reputation“.
Трета е Бијонсе, со заработени 60 милиони долари, четврта – Пинк, со 52 милиони, а петта е Лејди Гага, која со својот филм „Ѕвездата е родена“, но и поради договорите со Версаче и МАК, на својата сметка има 50 милиони долари повеќе.
Натаму следат Џенифер Лопез (47 милиони долари), Ријана (37 милиони долари), Хелена Фишер (32 милиони долари). Селин Дион, која за настап во Лас Вегас наплаќа 500.000 долари, а за патување до Европа наплаќа двојно – еден милион, годинава заработила 31 милион долари и се најде на деветтото место.
На 10-то место е Бритни Спирс со заработка од 30 милиони долари.
