Трансферот договорен: Рабио ја избра Барселона!

Ѕвездата на ПСЖ Адриен Рабио следното лето ќе го облече дресот на Барселона, пренесува „Мундо Депортиво“ повикувајќи се на свои извори од клубот.

23-годишниот плејмејкер има договор со Пари Сент Жермен до крајот на сезоната и во неколку наврати одби да стави потпис на нов договор.

Рабио следното лето ќе биде слободен агент, а уште во јануари може да потпише преддоговор со новиот клуб.

За Рабио силен интерес покажуваа голем број на европски гиганти, но Барселона ја победи конкуренцијата и наскоро ќе потпише преддоговор со играчот.

„Мундо Депортиво“ открива детали од договорот и тврди дека Рабио на „Камп Ноу“ ќе добива 10 милиони евра по сезона.

https://youtu.be/1NBtinqxmyw