Шанса да станеш YouTuber! Приклучи се! ↓↓↓
Трансферот на Кристиано Роналдо во Јувентус минатото лето предизвика „земјотрес“ во фудбалскиот свет, а сега медиумите најавуваат уште еден голем трансфер на релација Мадрид – Торино.
Станува збор за Марко Асенсио кој според тврдењето на „Тутоспорт“ е силно заинтересиран за трансфер во Јувентус.
Асенсио е импресиониран од навивачите и клупската структура на италијанскиот клуб, а за добрата атмосфера во тимот му потврдил и неговиот сонародник и пријател Алваро Мората.
Сигурно дека и Јувентус е силно заинтересиран да доведе таков врвен фудбалер со блескава иднина, но за тоа секако ќе се прашува и Реал Мадрид.
Асенсио има договор со „кралскиот“ клуб до 2023 година, но моментално не е задоволен од својот статус и минутажата во клубот.
За потсетување, Реал Мадрид минатото лети одби понуда од 150 милиони евра за младиот Шпанец, па Јувентус сигурно ќе треба да го одврзе кесето за неговиот потпис.
#Asensio, mal di pancia #Real: idea #Juventus https://t.co/IybCOCb7Bv
— Tuttosport (@tuttosport) November 16, 2018
