Поранешниот дефанзивец на Манчестер Јунајтед, Рио Фердинанд, јавно го советуваше раководството на клубот да го донесе Герет Бејл на „Олд Трафорд“.
Легендарниот дефанзивец тврди дека токму Бејл е вистинскиот човек кој може да ги врати „црвените ѓаволи“ на победничките патеки.
„Би сакал Јунајтед да го донесе Бејл ако е можно. Неговата цена не е многу висока и треба сериозно да размислат на таа тема. Оваа сезона не е особено успешна за него, но и покрај тоа постигна 16 гола што воопшто не е малку”, изјави Фердинанд.
„Мислам дека тој може да заврши одлична работа во Јунајтед и да му помогне на тимот во битката за трофеи“, додаде поранешниот репрезентативец на Англија.
