Италијанскиот гигант Милан потпиша спонзорски договор со „Пума“, а италијанските медиуми пренесуваат дека германската компанија може да донесе еден свој ексклузивец на „Сан Сиро“.
Станува збор за ѕвездата на Борусија Дортмунд, Марко Ројс кој е заштитно лице на „Пума“ и кој би можел од следната сезона да го облече дресот на Милан.
28-годишниот Ројс конечно се опорави од повредата и се врати во тимот, но одбива да го продолжи договорот со „милионерите“ бидејќи сака да ја промени средината.
Италијанските медиуми пренесуваат дека Милан е во пол позиција за неговиот потпис, токму поради спонзорскиот договор со „Пума“.
Моменталната вредност на Ројс изнесува помеѓу 30 и 40 милиони евра, сума која „росонерите“ се спремни да ја платат.
