Претседателот на Македонскиот олимписки комитет (МОК), д-р Васил Тупурковски и г-дин Игор Клаја, Претседател на Управниот Одбор на полската компанија за производство на спортска опрема „ОТЦФ/4Ф“, потпишаа договор за спонзорство со кој „4Ф“ ќе стане Официјален спонзор на MOK за зимските олимписки игри Пјонг Чанг 2018.
МОК и компанијата „4Ф“, која е една од најдобрите светски компании за производство на спортска опрема, веќе изразија заедничко големо задоволство од досегашната соработка и комуникација и најавија дека во текот на 2018 година се очекува да биде потпишан нов спонзорски договор со кој 4Ф ќе биде официјален спонзор за спортска опрема на МОК за сите мулти-спортски настани на кои ќе учествуват македонските Олимпијци и најдобрите македонски спортисти, во организација на МОК, за перидот 2017-2020 година, вклучувајќи ги и Олимписките игри ТОКИО 2020.
