Британскиот актер Пол Николс, за време на летниот одмор на Тајланд, се слизнал од на карпите од еден водопад, па при падот тешко ја повредил ногата и завршил заробен три дена меѓу карпите, без храна и вода.
Актерот ги разгледувал водопадните брзаци на Кун Си водопадите, па во моментот кога сакал да направи селфи, се потслизнал и паднал, останувајќи заглавен меѓу карпите. Го пронашле службите за спасување, откако еден локалец го видел неговиот мотор во близина на водопадите.
Во моментот на пронаоѓањето бил во состојба на шок и многу снижена телесна температура. Проблемите за актерот продолжиле и откако бил префрлен во болница, каде локалните лекари му кажале дека лечењето ќе го чини 13.000 фунти, а се споменува и сума од 90.000 фунти за операцијата, па сега британската амбасада работи на тоа под итно да го префрли во Велика Британија.
Пол за The Sun изјавил дека „има среќа што е жив“. Актерот инаку е познат по улогата во популарната британска сапуница EastEnders.
