Италијанските медиуми пренесуваат дека левиот бек на Јувентус, Алекс Сандро е пред трансфер во Челзи и за рекордна сума.
Бразилецот е примарна цел на тренерот Антонио Конте и нема да жали па да го донесе на „Стенфорд Бриџ“.
Медиумите пренесуваат дека Алекс Сандро веќе постигнал договор со Челзи и го известил раководството на Јувентус, па сега останува уште двата клуба да се договорат за отштетата.
Таа ќе биде рекордна за еден дефзанзивец, бидејќи „Газета дело Спорт“ тврди дека „сините“ се спремни да платат помеѓу 65 и 70 милиони евра.
Трансферот би требало да биде комплетиран во следните неколку дена, а „старата дама“ како негова замена сака да ги донесе италијанските репрезентативци Матео Дармијан и Матија де Шиљо.
