Анчелоти за Левандовски: Неговата голгетерска форма допрва почнува

Тренерот на Баерн од Минхен, Карло Анчелоти, е убеден дека Роберт Левандовски дури сега влегува во неговата голгетерска форма.

А како што тргна, Полјакот со сигурност без проблем ќе ја надмине бројката од 30 погодоци во Бундеслигата, бдејќи неговиот нов хет-трик за триумф од 6:0 против Аугзбург му донесе враќање на чело на листата со најдобри стрелци со 24 постигнати гола.

Уште две асистенции, заедно со трите гола, беа доволна причниа за Италијанецот да го пофали Левандовски.

„Одигравме навистина добар натпревар, а Роберт го правеше она што секогаш најдобро го прави. Постигна три гола и асистираше уште два пати, па што можам друго да кажам за него, освен дека е фантастичен. Станува збор за напаѓач кој дава голови на речиси секој натпревар, констатираше Анчелоти.

Искусниот стратег е задоволен што Баерн гази кон петтата по ред титула во Германија.

„Имавме мала криза после полувремето, но тимскиот дух и квалитет на играта беа многу добри. Од почетокот до крајот игравме добро и тоа е патот по кој треба да продолжиме да се движиме“, заклучи Карло.

За Баерн нема многу време за одмор и опуштање, веќе во вторник играат против Хофенхајм во вонредно коло, тимот кој им украде бод во Минхен во првиот дел од сезоната.