
Крис Еванс, Ентони Маки и Симу Лиу повторно се собраа за да ја почнат промоцијата на нивниот претстоен филм „Одмаздници: Судниот ден“.
Актерите што ги толкуваат суперхероите се појавија во саботата, на 21 ноември, на Големата награда на Лас Вегас во Формула 1 за 2026 година, во Невада, со „Хајнекен“ како насловен спонзор.
Во знакот на филмот беа и познатиот булевар Стрип и самата трка. Покрај патеката беше изложен болид на Формула 1 со специјален дизајн инспириран од „Судниот ден“, на Сферата се појави Доктор Дум, а беше претставено и воздушно такси на „Арчер авиејшн“, украсено со мотиви од филмот.

Ова беше првата станица од светската турнеја за средби со медиумите по повод новиот филм за Одмаздниците. Кинопремиерата е закажана за 18 декември, за помалку од еден месец.
Еванс, Маки и Лиу повторно ќе ги толкуваат Стив Роџерс, Капетан Америка и Шанг-Чи. Овојпат хероите ќе се соочат со нов негативец, Доктор Дум, кого го игра Роберт Дауни Џуниор.
Според описот на филмот, „омилените херои од три различни универзуми ќе се најдат на пат кон смртоносен судир и ќе се соочат со закана за нивниот опстанок каква што досега не доживеале“.
На трката присуствуваше и уште една ѕвезда на Марвел, Крис Прат. Тој го развеа карираното знаме додека Макс Верстапен прв ја минуваше целната линија.
Претходно истата вечер, Прат и Маки беа забележани заедно, а двајцата учествуваа и во брзи возења по патеката.
Вечерта пред тоа, Симу Лиу и неговата сопруга Алисон Су присуствуваа на настанот „Тркачка вечер во Белagio фаунтин клуб“, организиран во рамките на викендот посветен на Формула 1.


Извор: Just Jared