Кралицата вработува: Плата од 20.500 евра годишно – еве која е службата

Кралицата Елизабета огласи уникатна работна понуда во која бара маж или жена, кој ќе биде вработен во шкотската резиденција и ќе има за задача да ги одлепува мастиките, оставени од невнимателните посетители. Предвидената награда е во износ од 15 912 фунти (20.428,27 евра) годишно за 20-часовна работна недела, пренесува Бизнисвести.мк

Палатата „Holyrood House” е официјалната резиденција на кралицата, и најважната туристичка атракција во Шкотска. Годишно таа се посетува од околу 250 000 луѓе.

Останатите обврски се изразени во чистење на становите и тоалетите, како и скалите (еднаш неделно), полирање на вазните, среброто и мебелот, поправање на креветите и покривање на мебелот со заштитни навлаки во периодите кога замокот е затворен.

Конечно од кандидатите се бара да го имаат во предвид „флексибилното работно време” во случај кога кралицата или членовите на нејзиното семејство живеат во палатата, или во случај на официјални приеми