Ѕвездата на Барселона, Лионел Меси на мечот со Севиља постигна уште едно импресивно достигнување со дресот на Каталонците.
Имено, Аргентинецот се запиша во листата на стрелците на мечот со Севиља, а тоа воедно беше неговиот 500-ти во каталонскиот дрес.
Уште минатата сезона Меси стана најдобар стрелец на клубот на сите времиња. Постигнувањето е уште поимпресивно, со оглед дека тој ги постигнал своите 500 гола во 592 натпревари, а освен тоа има направено и 268 асистенции.
Последната од нив, исто така, дојде против Севиља, кога тој го изработи победоносниот гол на Луис Суарез.
