Времето во Македонија денеска, четврток, 10. ноември, ќе биде стабилно и претежно тивко со ниска облачност и магла по котлините. Попладне сончево со мала до умерена облачност.
Во Скопје претпладне со појава на магла и ниска облачност, преку денот сончево со умерена облачност. Дневните температури ќе достигнат- во Скопје 15 Целзиусови степени, Маврово 14, Охрид 17, Битола 14, Крива Паланка и Берово 18, Кавадарци 17, Дојран 19.
Од утре времето ќе биде променливо облачно со умерен, а вдолж Повардарието повремено засилен ветер од северен правец. Попладне и во текот на ноќта ќе има повремени врнежи од дожд, а на повисоките планини повремен снег.
Во Скопје променливо облачно, кон крајот на денот и во текот на ноќта со врнежи од дожд. Ќе дува умерен, повремено засилен северен ветер. Дневните температури ќе се движат од 10 до 18 степени.
