Содржински исполнет со доста досега необјавени архивски снимки, во декември оваа година пошироката јавност, публиката и обожаватели ќе имаат можност да го гледаат документарниот филм посветен на седумкратниот шампион на Формула 1, легендарниот Михаел Шумахер.
Станува збор за досега необјавени архивски снимки и сведоштва на неговото семејство. Легендарниот германски возач беше тешко повреден на скијање пред шест години, на 29 декември 2013, што му предизвика проблеми со говорот и помнењето и парализа. Неговото семејство и портпаролите досега претпочитаа сè тоа да остане надвор од фокусот на медиумите, но се знае дека Шумахер сега се движи со помош на ортопедска количка.
Филмот под наслов „Шумахер” е во режија на германските режисери Михаел Вех и Ханс-Бруно Камертенс, а премиерата прво ќе биде прикажана во Германија и Швајцарија на 5 декември
Шумахер (50) во својата кариера победил во рекордни 91 трка. Од Формула 1 се повлече во 2012 година, со освоени седум шампионски титули.
