Удар за Шпанија: Љуљ се повреди – го пропушта Евробаскетот!


Спасе Манев (Патувања низ Македонија): Ги откриваме скриените убавини на Македонија ↓↓↓


Шпанската кошаркарска репрезентација се соочува со големи проблеми, откако остана без еден од клучните кошаркати, Серхио Љуљ, кој нема да биде во можност да настапи на Европското првенство поради повреда.

Плејмејкерот на Реал Мадрид доживеа тешка повреда на пријателскиот натпревар со Белгија, кој Шпанија го загуби со 71:89.

Љуљ на мечот со Белгија ги скина предните вкрстени лигаменти во коленото поради што ќе паузира од шест до девет месеци.

„Ќе се вратам“, порача на „Твитер“ играчот на Реал кога дозна колкава пауза го очекува.

Европското првенство ќе се одржи од 31 август до 17 септември.