Овој декемвриски понеделник времето во Македонија ќе биде променливо облачно со повеќе сончеви периоди во позападните делови, ќе биде ветровито и студено со умерен до повремено засилен северен ветер најизразен уште од изутрина во пошироко Повардарие.
Минималната температура ќе биде во интервал од 0 до 7, а максималната ќе достигне од 6 до 12 Целзиусови степени, информираат од УХМР.
Во Скопје променливо облачно, ветровито и постудено. Минималната температура ќе се спушти до 2, а максималната ќе достигне 8 степени. Маврово 4, Охрид 9, Битола 8, Крива Паланка 6, Берово 5, Кавадарци 9, Дојран 12.
Во наредните денови следува период на стабилно и суво време. Најсончево ќе биде во вторник, а од среда ќе има умерено наоблачување и услови за утринска магла и ниска облачност по котлините.
