Македонската фудбалска репрезентација ќе ја заврши 2016 година на 162 позиција на ранг листата на ФИФА.
Светската куќа на фудбалот денеска ја објави последната листа, а на неа очекувано нема промени за нас, со оглед на фактот дека немавме ФИФА активности во месец декември.
162-та позиција е најслаб ранг во нашата историјата, а и срамен со оглед на фактот дека сме во друштво на репрезентации како Белизе, Аруба, Гибралтар, Сао Томе и Принципе…
Во Топ 10 селекциите нема никаква промена во однос на ноемврискиот рангирање. Аргентина е на чело пред Бразил и Германија, а потоа следат Чиле, Белгија, Колумбија, Франција, Португалија, Уругвај и Шпанија.
