Home Актуелно Спасовски: Пожарите можеби се подметнати, тоа е сериозен тероризам против државата

Спасовски: Пожарите можеби се подметнати, тоа е сериозен тероризам против државата

„Ситуацијата во делот на пожарите, за жал ескалира во државата и тоа од неколку причини, не се само временските услови што се поволни за пожари, затоа што имаме навистина сушен период, меѓутоа најголемиот дел од нив се пожари што се подметнуваат. Доколку ова што ни се случува е од политички причини, а имаме сериозни индиции тоа да го потврдиме во наредниот период, станува збор за сериозен тероризам што се прави на државата“, изјави денеска министерот за внатрешни работи Оливер Спасовски пред француската амбасада.

Тој информира дека досега имаат поднесено кривични пријави против девет лица како сторители на пожари, а најголем дел од нив, како што посочува, се во врска со бизнис интереси во делот на трговијата со дрва.

– Апелирам во овој дел на пожарите и оние што се нарачатели од кој било апсект, ако е тоа од бизнис заедницата, бизнисот не се води преку предизвикување на штета врз природата. Ако е од политички аспект, сакам да упатам порака на политичарите да не се занимаваат со работи што прават директна штета и на природата и на државата само заради ситни политички поени, со тоа не се добива ништо- рече Спасовски.

Извор: Алфа ТВ

Load More Related Articles
Load More In Актуелно
Comments are closed.

Check Also

Онлајн игри кои ќе сакате да ги играте повторно

Во последните десет години, играњето онлајн игри прерасна од обична забава во културен фен…