Шанса да станеш YouTuber! Приклучи се! ↓↓↓
Актуелниот технички премиер Оливер Спасовски, на прашање дали Владата чувствува притисок пред денешната седница на која ќе се донесе одлука за евентуален карантин за претстојниот викенд, порача дека „нема верски лидер, функционер или институција што се посилни од државата“.
На најавената владина седница за ова попладне треба да падне одлука за времетраењето на полицискиот час за претстојниот викенд вл кој се одбележуваат два празника – Рамазан Бајрам и Денот на сесловенските просветители „Св. Кирил и Методиј“.
„Државата е таа што носи одлуки и која управува со системот во вакви ситуации. Ако некој мисли дека ќе врши притисок, да знае дека со притисокот нема да издејствува ништо. Ако носевме одлуки под притисок, верувајте ќе имавме по две седници на ден, една претпладне и ќе носевме одлуки и една попладне за да носиме одлуки за оние на кои не им се допаѓаат мерките“, кажа Спасовски.
Комисијата за заразни болести предложи мерката „полициски час“ за претстојниот продолќен викенд да почне во сабота попладне во 19 часот и да трае до вторниик наутро во 5 часот. Дел од медиумите објавија неофицијални информации оти се размислува и за „полициски час“ од недела попладне во 14 часот до вторник наутро во 5 часот. Конечната одлука се очекува на денешната седница на Владата што е закаќана за 17 часот.
