Сончев и топол четврток


Вака се слави гол во 120-та минута!!! ↓↓↓


Денешниот јунски ден во Македонија носи сончево и топло време со мала до умерена облачност. Попладне на места ќе биде нестабилно со локален пороен дожд, грмежи и засилен ветер, а ќе има и услови за појава на краткотрајно невреме.

Утринската температура ќе се движи од 10 до 19, а дневната од 22 до 33 Целзиусови степени. УВ-индексот ќе изнесува 8.

Во Скопје сончево и потопло со мала до умерена облачност. Попладне ќе има услови за краткотраен дожд и грмежи. Утринската температура ќе спушти до 16, а дневната ќе достигне 29 степени. Маврово 22, Охрид 26, Битола 28, Крива Паланка и Берово 25, Кавадарци 31, Дојран 33.

До сабота во попладневните часови ќе има локална појава на пороен дожд, грмежи и засилен ветер, а ќе има услови и за изолирана појава на краткотрајно невреме. Температурите ќе бидат во позначителен пораст.