Со победата против Шкотска – Украина на чекор до пласман на Светското фудбалско првенство во Катар

Фудбалската репрезентација на Украина ќе игра против Велс во финалето од плејофот за пласман на Светското првенство во Катар.

Украина се пласира во финалето од баражот откако вечерва на „Ајброкс“ ја совлада Шкотска со 1:3, во првиот официјален меч од почетокот на војната.

Мечот во Глазгов започна со емотивно оддавање почест на сите загинати во војната, а потоа Украинците покажаа храброст и одиграа фантастичен меч.

Андриј Јармоленко ја најави победата со прекрасен гол во првото полувреме, кога успеа да го лобува голманот на Шкотска.

Јаремчук со глава погоди за 2:0 на почетокот на вториот дел. Домаќините намалија пред крајот, но Украина преку контранапад стави точка на мечот за конечни 1:3.